「Wheel We Enjoy A Coke」社區共融體驗營圓滿結束！上星期我哋為香港太古可口可樂舉行咗一場好有意義嘅共融體驗活動！

走出辦公室，走入社區

一班香港太古可口可樂嘅員工坐住輪椅走進沙田區完成各種真實任務：
測試商場同街市嘅無障礙出入口同洗手間
走入商舖買可口可樂產品
到回收站回樽

去餐廳享受午餐

真實體驗，深刻反思

過程中有輪椅使用者同行，大家一齊親身感受輪椅使用者點樣透過佢哋嘅生活經驗，靈活變通咁完成大大小小嘅日常任務！參加者深深體會到呢啲額外嘅準備同考量，其實都係無障礙設計上不可忽略嘅重要細節

分享交流，播下種子

活動最後嘅分享環節特別珍貴！大家都好坦誠咁分享今日嘅體驗同感受，更難得嘅係可以同輪椅使用者嘉敏即場對談 了解佢哋嘅生活日常，點樣面對無論係軟件定硬件上各種唔同嘅通達情況！

透過今次體驗，大家反思到人與人之間互相尊重嘅重要性，並將共融嘅概念帶入工作同日常生活之中，為共建共融社區播下咗種子！

感謝香港太古可口可樂對社區共融嘅支持！期待更多企業一齊推動無障礙社會！

#WheelWeEnjoyACoke#香港太古可口可樂#社區共融#無障礙體驗#共融社會#無障礙設施#滾動力量#WheelPower